kavita

Tum ek kavi ho main jaanti hun,
udaasi tumhari kavita hai,
ab itne saal hogaye hamein bichdey hue...
kabhi to mujhe sochke udaas hue honge,
kabhi to us udaasi ho shabdon mein dhaala hoga,,,
bas wahi chaar panktiyaan tumhara mera rishta hain...
bas unhi chaar panktiyon ke mel keliye main tumse bichdi thi,
bas wahi chaar panktiyaan tumne mujhe kabhi sunayi nahin...
bas wahi chaar panktiyaan ho sake to kabhi suna dena,,,
ke mujhko udaasi aur udaasi ko tumne kavita bana diya,,,
par ye kya, tumhare sath bhi in chaar panktiyon ne wahi kiya....